Kinyarwanda Français English

Rusizi : kurwanya ibitekerezo by’abapadiri ba leprophete.fr, Twagiramungu Faustin alias Rukokoma, n’abatera grenade bigiye gushyirwamo ingufu !



Parution: Thursday 8 August 2013, 03:55
Par:Rushyashya.net




Ku wa gatandatu tariki ya 03/08/2013, Nyakubahwa Ministri w’Ubutegetsi bw’Igihugu, Ministri w’Ubucuruzi ari na we ushinzwe Akarere ka Rusizi muri Guverinoma, Ministri w’Umutekano mu Gihugu, Ministri muri Prezidansi ya Repubulika, Depite Nura wo mu Nteko Nshingamategeko, Umukuru w’Intara y’Uburengerazuba, Umuyobozi w’Ingabo, Inkeragutabara, na Polisi mu Ntara y’Uburengerazuba, Umuyobozi w’Akarere ka Rusizi, Abahagarariye amadini, sosiyeti sivili n’abikorera ku giti cyabo muri ako Karere bagiranye inama nyunguranabitekerezo.
 

Mayor wa Rusizi, Nzeyimana Oscar

 

Muri iyo nama baganiriye ahanini ku iterambere ry’Akarere ka Rusizi, aho Ministri w’Ubutegetsi bw’Igihugu yasabye ko ibikorwa by’iterambere Nyakubahwa Perezida wa Repubulika Paul KAGAME yemereye Akarere ka Rusizi ubwo yasuraga abaturage b’aho muri Mutarama 2013 byakwihutishwa. Muri ibyo bikorwa harimo ahanini ibikorwa remezo by’imihanda na hoteli igezweho yo mu rwego rw’inyenyeri eshanu. Umushinga wa hoteli watangijwe na Diyosezi Gatulika ya Cyangugu, ubu ikaba yarifatanyije na WESPIC LTD (Sosiyeti y’ishoramari mu Ntara y’Uburengerazuba) ubu bakaba bibumbiye muri sosiyeti KIVU MARINA BAY LTD, ukaba urimo guterwa inkunga na Leta kugirango yuzure vuba.

 

Nyakubahwa Ministri w’Ubutegetsi bw’Igihugu kandi yagarutse k’umutekano kuko ari wo musingi wa byose. Depite Nura nk’intuma ya rubanda ikomoka mu Karere ka Rusizi yavuze ko bibabaje kubona Akarere ka Rusizi karabaye indiri y’abahungabanya umutekano n’abakwirakwiza ibitekerezo bibi mu banyarwanda n’ingengabitekerezo ya jenoside. Yagaragaje ko ubushize ubwo bateraga gerenade mu gihugu bafatwaga, byagaragaye ko abenshi bakomoka mu Karere ka Rusizi. Ubwo rero mu minsi yashize hongeye guterwa za gerenade mu mujyi wa Kigali, abanyarusizi bagomba kureba niba nta bagizi ba nabi babihishemo bakaba babitse izo gerenade. Maze bakabagaragariza inzego z’umutekano hakiri kare. Yerekanye ukuntu kandi abari ku isonga ry’abigisha Politiki mbi n’amacakubiri y’ivangura, y’ingengabitekerezo ya jenoside no kuryanisha abanyarwanda bakomoka mu Karere ka Rusizi. Aha hatunzwe agatoki abapadiri ba leprophete.fr bashinze ishyaka ISHEMA PARTY na TWAGIRAMUNGU FAUSTIN ALIAS RUKOKOMA.

 

Mu ngamba zo kubarwanya ni uko buri wese yumva ko umutekano umureba, amakuru ahungabanya umutekano agatangwa hakiri kare. Mbere yo kwiruka inyuma y’abapadirii ba leprophete.fr na RUKOKOMA bamwe mu banyarusizi bitwaje ko ari bene wabo, bafitanye amasano cyangwa ari inshuti zabo mbere na mbere bagomba kureba ibitekerezo bazanye.

 

Abo bantu barwanya Leta n’iki gishya bazanye ? ko iterambere rihari, Rusizi ikaba iri gutera imbere, ibibazo by’abaturage bikaba byitaweho, abanyarusizi bakaba babanye neza, ni iki gishya bazanye Atari uguteranya abanyarwanda ?

 

Abayobozi b’amadini bakwiye guhaguruka bakabuza abapadiri babo, abapasitoro babo n’abayoboke babo kwishora mu nyigisho mbi z’amacakubiri n’ibikorwa bihungabanya umutekano. Inzego z’umutekano ziriho zigomba gukora neza akazi kazo, ushaka guhungabanya umutekano akamenyekana hakiri kare. Abanyarusizi kandi n’abahakorera bagomba gushyira hamwe mu kwigisha abaturage no kubakangurira gushyigikira gahunda za Leta. Ibi birasaba ubufatanye bw’abayobozi b’inzego zibanze, inzego z’umutekano, abanyamadini, abahagarariye sosiyeti, abayobozi mu rwego rw’Igihugu bakomoka muri Rusizi, abacuruzi bakomeye n’abikorera ku giti cyabo batuye i Kigali no mu tundi duce tw’Igihugu.

 

Iyo nama yasojwe n’ubusabane yagaragayemo ubushake n’ubufatanye mu Iterambere no mu bindi byose ku buryo ikibazo cy’inyigisho mbi z’abapadiri ba leprophete.fr na RUKOKOMA kitazananirana.

 

Cyiza Davidson

 








  1. 2014-07-26 13:08:18
    i#363843


    may  dit:



    Coach Factory Outlet The proportion of American firms Coach Factory Outlet who think business conditions are improving Coach Outlet in the country fell to 28% this year compared with 43% in 2012 Coach Online Outlet according to a report published Coach Factory Outlet by the American Chamber of Commerce Coach Outlet Store in China on Thursday Coach Outlet Store Although only 19% said things Coach Outlet Online were getting worse Coach Factory Outlet there is a perception Coach Factory Online that progress on market opening Coach Factory Outlet has ground to a halt Coach Outlet Store Online Progress in some areas Chanel Handbags such as moves to make life easier Louis Vuitton Outlet Online for private hospitals Louis Vuitton Outlet has been offset Louis Vuitton Belt by backsliding in others Hermes Belt The chamber is exasperated






Comments from 1 to 1 of (1)









©Leprophete-Umuhanuzi  Thu, 30 Oct 14 12:55:10 +0000(UTC) All rights reserved